Page 185 - Элэс Боотур Бүөтүр Оҕотоойоп
P. 185
ЭЛЭС БООТУР 169
Улуу күтүр эбит.
Ол улуу дьаалы
Ыы-дьаар сыттаах
Ынырык ыллыгар
Киирэрин кытта
Ыһыы-хаһыы,
Ытаһыы - соҥоһуу,
5840 Ыар ынчык
Ыраахтан ын салыйан иһилиннэ.
Кини обургу
Кой уоруга
Буор хайа саҕа
Муус Кудулу булгунньах
Былыкка тиийэ
Багдайан турара
Көстөөх сиртэн
Күкээрэн көһүннэ.
5850 Үөс Тардар обургу
Үөлээннээх доҕотторун
Үс бүүрүктээх
Үөдэн дьөлөрү түгэҕиттэн
Үлтү үөгүлээн,
Аллараа дайды
Аҕа баһылыга
Арсыын аһыылаах
Арсан Дуолай оҕонньор
Аҕатын ууһуттан
5860 Аҕыс уон аҕыс
Адьырҕа атастарын
Аһатан-сиэтэн абыраары
Аҕыс суол арахсыытыгар
Адьырҕа эһэлии часкыйан,
Аат ааттаан,
Албан алкыйан
Аҕалтаабыт эбит.
Тоҕус уон тоҕус
Дохсун доҕотторун
5870 Тоторон-ханнаран туһалаары,
Тоҕус суол тоҕойугар
Сур бөрөлүү улуйан,
