Page 217 - Элэс Боотур Бүөтүр Оҕотоойоп

201
ЭЛЭС БООТУР

Тол ОМОН суолу
Туску үрдүнэн тобулан,
Туруу бараан дойдуларыгар
Туймаарытта эбэ хотуҥҥа
Тиийэн-тиксэн кэллилэр.
Түөрт бадьыр баҕананы туруоран,
Алаһа дьиэни тэринэн,
Аал уоту оттон,
Төрөтөр оҕону төлкөлөөн,
7080 Иитэр сүөһүнү күрүөлээн,
Алтай сэргэни анньан,
Аар баҕаҕы айгыһыннаран,
Киһи-сүөһү төрдө буолан,
Кэхтибэт кэскиллэнэн,
Кэтит кэһии тэллэхтэнэн,
Оҕону-урууну ууһатан,
Охтубат оҥорууланан,
Уйгу-быйаҥ олохтонон,
Уолбат ойбон,
7090 Чөҥөрө чүөмпэ буолан,
Убаҕастарыгар чачайан,
Хойууларыгар бөтөн,
Ааспыты аһатан,
Тоҥмуту ириэрэн
Иринньэҕи иитэн,
Отоҕу улаатыннаран,
Өлөөрү гыммыты өрүһүйэн,
Быстаары гыммыты быыһаан,
Үс дойдуга
7100 Үтүө дьонунан аатыран,
Үйэлэрин тухары
Үргүөр үргүйбэккэ,
Үл эл ээн -хамнаан,
Умса түстэхтэринэ
Сүүстэриттэн өйөһөн,
Иттэнэ түстэхтэринэ
Кэтэхтэриттэн тардыһан,
Солуннара сойбокко,
Тапталлара татыарыйбакка,
Кырыылаах харахтарынан