Page 213 - Элэс Боотур Бүөтүр Оҕотоойоп

ЭЛЭС БООТУР 197

Уохтаах кымыһы уурдулар,
Санааларын сэргэхситтинэр диэн
Саам ал кымыһы саамылаатылар,
Сиэллээх эбир хамыйаҕы уурдулар.
6920 Суон сааллаахтары
Сүүрдэ сылдьан
Сүнньүлэрин астылар,
Халыҥ хаһалаахтары
Хаамтара сылдьан
Хабарҕаларын быстылар,
Күрүө ахсын күөлэһиттилэр,
Дал аайы таралыттылар.
Сыһыы аайы сыаны сыымайдаатылар,
Хонуу аайы
6930 Хаһаны тэлгээтилэр.
Улахан түһүлгэ ортотугар
Удьаа хамыйахтаах
Ууллубут арыыны уурдулар,
Ойбон саламааты олортулар...

Аймах-билэ,
Атас-доҕор дьоно
Амтаннаах астарын аһаатылар,
Айылгылаах тылларын кэпсэттилэр,
Көрү-нары
6940 Көҕүлүттэн харбаатылар,
Оонньууну-оһуохайы
Оройуттан туттулар...
Сыыдам сүүрүктэр
Сүүрэн сылыбырайдылар,
Кынаттаах курдуктар
Кылыйан кыыралдьыттылар,
Ыстаҥалаан ыллаҥнаттылар,
Куобахтаан чөкөҥнөттүлэр,
Буурдаан бурҕан наттылар.
6950 Бүтүн күүстээхтэр
* Мүһэ былдьастылар,
Мадьык-идьик бөҕөстөр
Mac тардыстылар,
Сул дүлүҥ курдук