Page 215 - Элэс Боотур Бүөтүр Оҕотоойоп
P. 215
199
Ойон турдулар.
Көйөргө кымыһынан
Күөмэйдэрин чөллөрүтэн,
Арыылаах кымыһынан
Айахтарын сайҕанан,
7000 Саамал кымыһынан
Санааларын сэргэхситэн,
Аһаан-сиэн
Айылгылара көнөн,
Алгыс үтүөтүнэн алҕаан,
Айыллан үөскээбит
Аан ийэ дойдуларыгар
Аттана турдулар.
Эһэ Хара аттаах
Элэс Боотур
7010 Сырдык сыдьаай сэбэрэлээх
Сыралыҥса Куолуун
Сытан сынньанан,
Сылааларын таһааран,
Ааспыттарын ахтыһан,
Ахтылҕаннарын аһаран,
Аан ийэ дойдуларыгар
Аттанар кэмнэрэ кэллэ.
Аймахтара-атастара
Аһатан-сиэтэн,
7020 Айан суолугар киллэрдилэр.
Араҕас сылгы
Арҕаһын түүтүн
Арыйа аспыт курдук
Аастыйбыт астаах,
Аһыныылаах санаалаах,
Айан төрөппүт,
Астык тыллаах,
Аар Тойон аҕалара,
Көҕөччөр сылгы
7030 Көхсүн түүтүн курдук
Күрэҥсийбит көҕүллээх,
Көмүскээн-харыһыйан ииппит,
Көрөн-харайан улаатыннарбыт,
Көччө! гынан көтүппүт,
