Page 212 - Элэс Боотур Бүөтүр Оҕотоойоп

196 П. В. ОГОТОЕВ

Этиһии эһиннин,
Эйэ туругурдун,
Охсуһуу уурайдын,
Олох көннүн диэн
6880 Ураҕас тиийбэт
Уостубат уйгулаах,
Уолбат ойбонноох
Улуу урууну
Түргэн үлүгэрдик
Тэрийэ о ҕу стул ар.
Биэс улуу уруу
Биирдэ буолла,
Биэс баараҕай сэргэни
Сэһэргэһэ турар курдук
6890 Сэргэстэһиннэрэ туруордулар.
Толоону туоруу сыһа
Тоҕой сэлэни туругуртулар,
Алаас-сыһыы аҥарын сат>а
Айгыр-силик
Араҕас чэчири астылар,
Аһыыр сир аттыгар
Аар баҕаҕы айгыһыннардылар,
Чөҥөрө чүөмпэ курдук
Дириҥ далай
6900 Төлкөлөөх түһүлгэни тэрийдилэр,
Тоҕус сиринэн томторҕолоох
Чороон айаҕы чуоҕуттулар,
Сэттэ сиринэн кэрэниистээх
Кэриэн ымыйаны кэккэлэттилэр,
Бачыгырас ойуулаах
Матааччах иһиттэри бааралаатылар,
Симэхтээх дьэрэкээннээх
Сири иһиттэри сириэдиттилэр,
Талахтаах, таҥалайдаах
6910 Далбар чабычахтары тартылар.
Айахтарын сайҕаннынар диэн
Арыылаах кымыһы аҕаллылар,
Күөмэйдэрин чөллөтттүнэр диэн
Көйөргө кымыһы киллэрдилэр,
Утахтарын ханнардынар диэн