Page 58 - Элэс Боотур Бүөтүр Оҕотоойоп

5 8 П. В. ОГОТОЕВ

Биир куолаһынан
Ытыы-ытыы
Ыллыы турдулар.

Ye балыстар

«Аа-а-а-ай! Аа-а-а-ай!
Аата уолуйдахпытыан!
Убайдаатар убайбыат,
Аҕалаатар аҕабыат,
1620 Ааттаһар да ахсааннаах,
Көрдөһөр да күттүөннээх,
Уордайбыккын улуу дойду
Улаҕатыгар уһуутаа,
Кыыһырбыккын кыырай халлаан
Кырсыгар кыйдаа!
Кыыс оҕо өйө
Сүүтүктээҕэр кыараҕас,
Санаата саптааҕар кылгас диэн
Өс хоһоон, уос номоҕо.
1630 Кырдьык да сыыспыт эбиппит,
Көстүбэт күүстээҕэ
Кэллэҕинэ даҕаны,
Кутаа уоттан ордук
Кутталлаах буолуо дуо ?!
Бастакы буруйбутун
Бырастыы гын,
Тойон убайбыат,
Үс хара бараа күлүккэр
Үҥэн-сүктэн көрдөһөбүт!» — дэстилэр.
1640 Ити кэнниттэн
Эмиэ уруккуларын курдук
Икки ардыларынан
Уу тэстибэт,
Истиҥник, эйэлээхтик,
Эн-мин дэсиһэн,
Үүт-тураан
Үчүгэй баҕайытык олордулар.
Ол курдук
Ойон тахсар күннээх,