Page 55 - Элэс Боотур Бүөтүр Оҕотоойоп
P. 55
' )ЛЭС БООТУР 5 5
Өргөстөөх үҥүүтэ
Кини бэйэлээх
Халыҥ тириитин
Кыайан хоппокко
1500 Үрүөх үрэр быһах курдук
Өҕүллэн хаалла.
Кини обургу
Кыыһырыы бөҕөнү кыыһыран
Үс балыстарын
Сэттэ былас
Сиэрэй солко суһуохтарыттан
Холбуу хомуйа тутта да,
Соҕурууҥу содуомнаах
Соххор холорук халлаан диэки
1510 Хайыһа түһээт
Уһуутуу-уһуутуу
Ойо турда.
Үс күннүктээх сиргэ тиийэн
Сэттэ саһаан холобурдаах
Дириҥ иини
Дьөлө үктээн кэбистэ.
Куула тыа
Куруҥ маһын
Кумалаан киллэрэн
1520 Куду-хады симнэ,
Халдьаайы тыа
Хаппыт хатан маһын
Хайыта сынньан киллэрэн,
Халлааны хайа салыыр
Кутаа тууспан
Уоту оттон
Күүдэпчилээн кэбистэ
Уонна уот ортотугар киирэн
Сүтэн хаалла.
1530 Балыстара муҥнаахтар,
Убайбыт барахсан
Аал уот
Аһылыга буолла диэн аһыйан,
Икки харахтарын уутунан суунан
Сордоно олордохторуна,
