Page 59 - Элэс Боотур Бүөтүр Оҕотоойоп

ЭЛЭС БООТУР 5 9

1650 Ойоҕолоон устар ыйдаах,
Оһоллоох олохтоох
Орто түһүлгэ дойдуга
Соҕотоҕун сураҕыран,
Аҥардастыы аатыран,
Ахталыйан-махталыйан,
Аатыран - сураҕыран,
Ааттаах үчүгэйдик олордохторуна,
Аламай күн ааттааҕар,
Толомон күн туйгунугар
1660 Убайдара обургу
Сэттэ уон сэттэ
Сүдү үрэхтэри
Систэри, симилэхтэри
Ситэри сиэлэн-хааман,
Аҕыс уон аҕыс
Айгыстыбыт, аҥаарыйбыт
Ааттаах үрэхтэри
Аппалары, аабылааннары
Арҕара сылдьан,
1670 Тоҕус уон тоҕус
Дохсун үрэхтэри,
Туруук таас хайалары
Тоҕойдору, тукулааннары
Тоҕо кэһэн,
Аҕыс адаар таас хайа
Анараа өттүлэригэр түһэн,
Тоҕус түбэ тыа
Түгэҕинэн эргийэн,
Сырҕан эһэ адьырҕатын
1680 Сабырҕаҕыттан таҥнары сыһан
Сарылатан, часкытан,
Буур тайах мунутуурун
Муннуттан сиэтэн
Буугуначчы тыыннаран бусхалдьытан,
Бултаан - ал таан
Баран истэҕинэ,
Киҥкиниир киэн халлаан
Иэйэхситтээх илин кырыыта,
Саабылаан батыйа иэдэһин курдук,