Page 57 - Элэс Боотур Бүөтүр Оҕотоойоп

ЭЛЭС БООТУР 5 7

Мин диэтэх киһи
Өлөр сири көрдөөн
Үҥүүгэ-батаска
Өтөрү түһэн көрдүм —
Өҕүллэн хаалла.
Мунурун булларбатах
Муус кудулу байҕалга
1580 Тимирэн көрдүм —
Түгэҕэр тиийэн
Тэһийбэккэ төннөн таҕыстым.
Умайа турар
Кутаа уокка киирэн
Үс түүннээх күн
Олоро сатаан кэбистим —
Умуллан хаалла.
Үөһээ дойду өргөстөөҕө
Ү ҥүүгэ-батаска
1590 Өтөрү түһэртэн ордук
Үлүгэрдээх буолуо дуо ?
Аллараа дойду
Аҥаарыйар ааттааҕа
Аал уоттан ордук
Суостаах буолуо дуо ?
Орто дойду
Улуу бухатыырын
Күлүмэх күүһэ,
Күөмчү санаата,
1600 Оҕуруктаах дириҥ далай өйө
Муус кудулу байҕалтан ордук
Уорааннаах, уодаһыннаах буолуо дуо ?
Талбыккытынан тараҥныы сылдьан
Ол-бу буолбуккутун
Таһыйан тараах иэнниэм,
Кырбаан кулугур кулгаахтыам,
Биирдээх талах
Минньигэһин биллэриэм,
Аабылаан талах
1610 Амтанын амсатыам», — диэт
Таһыйаары тииһэн эрдэҕинэ,
Үс балыстара үһүөн