Page 72 - Элэс Боотур Бүөтүр Оҕотоойоп

7 2 П. В. ОГОТОЕВ

Иэримэ дьиэтин
Ис өттүн
Эргиччи көрбүтэ
Иччитэх эбит.
Икки балтын
Иккиэннэрин илдьэ барбыт,
Кыра кыыс
Кыыс Чэрэлиин
2170 Уҥа орон анныгар
Уҥа сытарын
Ороон таһаарда. I

Элэс Боотур

«Маҕай аллааҕы,
Муҥ саатар,
Сүдьү бараа дьүһүнүн
Көрбөккө хаалбыт
Аанай-туонай
Абаккам баар эбит», — диэт,
Өлүү уолун үлүгэрдээҕин
2180 Үөс Тардар обургуну
Ириэнэх суолун ирдээри,
Тоҥ суолун тордоору,
Тардыстар талаһата,
Миинэр миҥэтэ,
Аналлаах ата
Ааттаах алааһын
Бэттиэмэтин бэрдигэр,
Локуоратын туйгунугар,
Чыыбаҕатын сытыытыгар,
2190 Ачатын амтаннааҕар
Аһыы сылдьарын
Этэн баран
Эҕирийиэх икки ардыгар
Хонууттан хомуйан,
Сыһыыттан сылгылаан,
Күн сардаҥата көнтөһүттэн
Күөйэ харбаан ылла.
Тот сылгыны
Togo көтүтүөм дуо диэн,