Page 75 - Элэс Боотур Бүөтүр Оҕотоойоп

ЭЛЭС БООТУР 7 5

Биэрэстэнэн сири
Биирдиитэ бадаҥхалаан
Бардар баран ис!
2280 Көһүнэн сири
Көрүөх бэтэрээ өттүгэр көтүөккэлээн
Көөһөкөччүйэн көр!
Аҕыс атахтаах
Лиһир хара сыарҕҕам
Сыҕҕарыйдар сыҕҕарыйан
Сыыллымахтаан ис!
Һаай, һаай!» — диир.

Эһэ Хара аттаах
Элэс Боотур обургу
2290 Үс хос
Үүдэһин куйаҕын
Үллэччи кэтэ охсон,
Тимир тиһилик курунан
Ыга тардынан кэбистэ.
Сэттэ болгуо чээрэтинэн,
Аҕыс болгуо ардайынан,
Тоҕус болгуо чулуутунан
Улуу уустарга
Уһааттаран оҥотторбут,
2300 Бакаанай уус балталаабыт,
Көкөөнөй уус күөттээбит,
Кырбыытаан уус кыладыйбыт,
Көмүс ууһа көрбүт,
Алтан ууһа аалбыт,
Идэмэрдээх Илбис кыыһа
Иҥсэлээх илбиһи иҥэрбит,
Оботтоох Оһол уола
Ороскуоттаах оһолу олохсуппут
Оботтоох-соллоҥноох
2310 Олуй-молуй быһаҕын,
Бытта сыатыгар
Быатын быһа түһэр
Быыра быһый быһыччатын
Уҥа сототун таһынан
Суһал үлүгэрдик