Page 76 - Элэс Боотур Бүөтүр Оҕотоойоп

7 6 П. В. ОГОТОЕВ

Сур гына анньынан кэбистэ.
Хамаан-имээн дойду
Хатыҥа хатыҥнаах,
Тумаан-имээн дойду
Туоһа туостаах,
2320 Кимээн-имээн дойду
Киилэ кииллээх,
Өлүү дьирибинэй балык
Сиһин үөһэ иҥэрчэлээх,
Иэнин иҥиирэ киристээх,
Көхсүн хаана кырааскалаах
Улуу үрэх
Тоҕойдуу түһэн сытарын курдук
Көрүлүүр көр муос саатын
Көхсүгэр сүктэ.
2330 Уһуура көтөр
Уһуу охторун,
Сэттэ кырыылаах
Тимир тиҥсирики оноҕоһун,
Тоҕус кырыылаах
Кутаа уот кустугун
Курдана сылдьар
Кунньалыгар угунна.
Таҥнары туттахха
Часкыйан ылар,
2340 Өрө ууннахха
Үөгүлээн барар,
Сытыары туттахха
Сыналыйан ылар,
Умсары ууннахха
Уһуутаан кэбиһэр,
Таҥара сырдаан костерүн курдук
Талба нарын таманнаах,
Күн тахсан эрэрин курдук
Күлүмнүүр өргөстөөх,
2350 Тын хатыытын курдук
Тымныы тыйыс кылааннаах,
Көстө-көстө сүтэр
Күлүмнүүр өргөстөөх,
Саһа-саһа чаҕылынныыр