Page 73 - Элэс Боотур Бүөтүр Оҕотоойоп

БООТУР 7 3

Бар дьаҕыл кыыла
2200 Баргыйа олорор
Баҕарахгьты ойуулаах
Бастыҥ сэргэтигэр таһааран,
Тоҕус төгүл туомтуу,
Онуһун солбуйа тардан
Барбат гына
Баайан кэбистэ.
Көпсө ат сылгы
Көлөһүн аллыар диэри
Көбө-саба сүүрэн тиийэр
2210 Күндүл маҥан күүлэтин
Күн диэки өттүттэн,
Баараҕай маһынан
Модьу мутуктары
Модороон гына оҥоһуллубут
Бастыҥ сатанаҕыттан
Сүүрэр былыт саҕа сөрүөлээх,
Босхо былыт саҕа ботолоох,
Кыыһар былыт саҕа кычымнаах,
Иирэр былыт саҕа иҥэһэлээх,
2220 Курбуулаах кустук саҕа холуннаах
Үрдүк халлаан мөҥүөнэ ыҥыырын ылан
Үөмэр-чүөмэр үктэнэр
Үтүө көлөтүн
Ыпсаҕай баҕайытык
Ыадаччы ыҥыырдаан кэбистэ.
Үс хонон баран
Үөс Тардар обургу
Иһэр сибиэнэ
Эмиэ билиннэ.
2230 Анысханнаах салгын аныһыйда,
Чысхааннаах тыал чыһыырда,
Күүстээх силлиэ күпсүйдэ.
Арҕааны араҕас сабыдал халлаан
Анысханнаах аннын диэки
Аан күдэн тыыннаах,
Аба-сата санаалаах,
Айаҕымсах адьынаттаах
Абааһы аймаҕын