Page 74 - Элэс Боотур Бүөтүр Оҕотоойоп

7 4 П. В. ОГОТОЕВ

2240 Ааттаах адьырҕата
Амаан - д ьамаан
Айаҕын аппаҥнатан
Адьырҕа эһэлии часкыйан,
Торҕо бөрөлүү улуйан,
Ытырыык ыттыы ырдьыгынаан
Ырыа ыллаан ыҥсалыйара
Ыраахтан эҥсэлийэн иһилиннэ.

Үөс Тардар

«Аар-дьаалы,
Аарт-татай ини оҕолоор!
2250 Мин диэтэх киһи
Үөс тардан,
Өһөх сиэн,
Үөрэн-көтөн,
Үс илии үрдээн,
Сиир-аһыыр сырыым
Сэттэ тутум соноон,
Аан курдук алдьатар
Алдьархайдаах айаным аатыран,
Саах булгунньах саҕа
2260 Самныбат саргым салаллан,
Өлөн быстыбыт ыал өтөҕүн саҕа
Өһөх хара өрөгөйүм үрдээн
Өрөйөн-чөрөйөн иһэбин курдук.
Хотун ойовду кытта хоонньоһор
Хойутаары гынна,
Итии таптал имэҥэ
Иэдэтэр буолла,
Төрөтөр оҕҕону
Төлкөлүү охсоору
2270 Тиэтэл буолла.
Чэй эрэ,
Уон былас
Ураа муостаах,
Тутум атахтаах
Луо бээгэй оҕҕуһум барахсан,