Page 134 - Алаатыыр Ала Туйгун. 2-с үйэтэ

Дьиэлэрин иһигэр
Сэттэ былас
Чэҥнээх булууһу
Тобулу тирэнэн,
Туе иннилэригэр
Тура түстүлэр.
5360 Ойууннаах-удаҕан
Уолуйбут-соһуйбут курдук
Уҥа-хаҥас диэкиттэн
Ойон туран,
Оһ оллоох-төр үөттээх
Онолҕон-сьшалҕан
Олбохторун үрдүгэр
Олоро түстүлэр.
Ол гынан баран:
— Атын дойду ааттаахтарын,
5370 Чиэрэс дойду чиргэллэрин
Туспа дойду суорбаннара
Орто туруу
Дьоҕул дойдуга
Уобар соллоҥ иҥсэлээх,
Оботтоох чупчурҕаннаах
Оһол-төрүөт олохтоох
Отут удурҕаччы хара
Удьуордарын-биистэрин
Торолуйар тойоно буолбут
5380 Ускунньахтаахуот Кутаалыҥса
Уоҕан уола
Өксөкүлээх Биэкэстэй
Үөлэн Харбыалыкы
Хара атгаах,
Өһөгөйдөөх санаалаах
Өлөр-өлүү Түбүлээн Хара бухатыыр,
Айыы хаан аймахтарыттан
Араҕас сиэр атгаах
Алаатыыр Ала Туйгун
5390 Туохха ылларан,
Суорума соруктанан,
Биһиги диэтэх дьон
Суостаах-амырыыннаах,
Суналҕан илбистээх
Туе иннибитигэр киирэн,
Туора туран биэрдэххитий, оҕолоор!
- 130