Page 132 - Алаатыыр Ала Туйгун. 2-с үйэтэ

Ол иһин
Уурайбакка-уоскуйбакка,
5270 Оһоллоохтук-ороскуоттаахтык,
Охсуспуттар эбит.
Ол гынан баран
Эт сутуруктарынан
Эттэһэн илистиэ суохтар,
Алые абардылар,
Атах кэбистилэр.
Абааһы уола
Сымыһаҕа дьэллэйдэ,
Тыла былас түстэ,
5280 Саманных диэн
Саҥаран сатарыта турда:
— Аар-татай, ини!
Аар-дьаалы, оҕолоор!
Иннинэн сирэйдээх,
Эргийэр иэччэхтээх
Икки атахтаах бииһин ууһуттан
Эттиэтэр элэйбэт,
Кырбаатар кыларыйбат,
Элэйбэт иҥиирдээх,
5290 Сылайбат сындааһыннаах,
Тохтубат хааннаах,
Өлбөт үөстээх,
Күдэн күүстээх,
Модун моойдоох
Бухатыыр киһи
Төрөөбүт да эбит буоллаҕына,
Нойон киһиэ,
Бу умайа турар
Уот Кудулу байҕал
5300 Улаҕа өртүгэр
Үмүрүччү тарда турар
Бүччүҥнүүр үөдэн айаҕын
Түгэҕэ биллибэт
Түҥкүнүүр сиксигэр,
Өлөр өлүү ньүкэрэ хара төрдүгэр
Алларааттан тахсыбыты
Атаҕытган ыйыстар,
Үөһээттэн түспүтү
Төбөтүттэн мэҥиэстэр,
5310 Орто дойдуттан киирбити

- 128 -