Page 131 - Алаатыыр Ала Туйгун. 2-с үйэтэ

Охсуспут сутуруктара мөлтөөбөтөх,
Анньыспыт түөстэрэ ахсаабатах,
Хайалара даҕаны
Умайа турар
Уот сымала байҕалга
5230 Мүччү үктэнэн түспэтэ,
Ат-биэ курдук
Арахсыбакка айастылар.
Аҕыс атахтаах
Адьарай бөҕөлөр
Ааһар албастаахтара,
Тоҕус уон
Куотар кубулҕаттаахтара
Көмөлөһөр кыахтара суох буолбут.
Айыы хаан аймахтарытган
5240 Албан ааттаахтара,
Туйгун бухатыырдара
Туту да көмөлөһөр кыахтара
Суох эбит.
Абааһы уола
Көмө көрдьөһөр* сирэ суох буолла,
Айыы да бухатыыра
Күүс-көмө көрдьөһөр сирэ
Суох буолла.
Абааһы уола кыайдаҕына,
5250 Абааһылар көҥүл сиэн
Айыы аймаҕын
Адьас мэлитиэхтэрэ.
Айыы бухатыыра кыайдаҕына,
Айыылар баһылаан
Сарбыйан туран,
Саба тэпсэн,
Саас-үйэ тухары
Самнарыахтаахтар эбит.
Онон бу
5260 Айыылаах абааһы
Суон дугдалара,
Халыҥ хаххалара,
Дуолан бухатыырдара
Иккиттэн биирдэһэ кыайарыттан
Айыы өрөгөйдүүрэ дуу,
Абааһы өрөгөйдүүрэ дуу
Быһаарыллыахтаах эбит.

- 127 -