Page 130 - Алаатыыр Ала Туйгун. 2-с үйэтэ

Уот кураан түстэ.
Үүнэр ото-маһа
Үлтү хатан өлөн барда.
Нуолур күөх турар маһа
Туораахтыын-сэбирдэхтиин
Тоһута хатан тохтон түстэ.
Сут гиэнэ
Торҕолооҕо буолла,
5190 Уйгу-быйаҥа кэҕиннэ,
Аас-туор ааҥнаата,
Кыдьык-кыыбаҕа кыһайда,
Ыарыы-сүтүү ыксаласта,
Эрэй-муҥ эҥэрдэстэ,
Өлүү-сүтүү үксээтэ.
Дьэ кинилэр
Иккиттэн биирбит диэннэр,
Эпчимирэн туран,
Илбистээхтик-имэҥнээхтик
5200 Иэмэх талах курдук
Эрийсэн бардылар,
Алдьархайдаах олохтоох
Айдааны тартылар,
Өһүөннээх-өһөгөйдөөх
Өлөр-тиллэр
Мүччүргэннээх мөхсүүлэрин мөҕүстүлэр,
Мөҥүрэһэ-мөҥүрэһэ түһүстүлэр.
Бу курдук кинилэр
Үөс быстарынан,
5210 Өрөһө хайдарынан
Үс төгүрүк сыл
Т омтойо-торолуйа
Туолан кэлиэр диэри
Өлөр тыын былдьаһыгар
Өһүөннээхтик охсустулар да,
Батыйа өнчөҕүн курдук
Барааска тиириилээх
Айа кирсин курдук
Тэбис-тэҥ дьон буоллулар.
5220 Хайалара даҕаны
Үктэммит сүһүөхтэрэ бүдүрүйбэтэ,
Тирэммит уллуҥахтара халтарыйбата,
Көрбүт харахтара чыпчылыйбата,
Тутуспут илиилэрэ мүччүрүйбэтэх,
- 126 -