Page 135 - Алаатыыр Ала Туйгун. 2-с үйэтэ

Иэхэйбитин-чуохайбытын,
Күдэн бөҕө
Күүскүтүн мөлтөтүөхпүт,
5400 Модун бөҕө
Моойгутун боҕутуннарыахпыт,
Бүдүрүйбэт бөҕө сүһүөххүтүн
Бүгүстээн туран сүһүөхпүт,
Сылайбат тыйыс
Сындааһыҥнытын сыыйыахпыт,
Суон сураххытын сүтэриэхпит.
Сибилигин сискит үөһүн
Быһыта кыраан,
Сии-аһыы оонньуурбут буолуо, —
5410 Диэтилэрда,
Үс былас холобурдаах
Моонньуларын куохатгылар,
Айахтарын сат тымтай саҕа
Дьаллаччы аттылар.
Тоҕус бүгүйэх
Соллоҥ хара тыллара
Сордон' балык курдук чороҥноото,
Харахтарын уота
Хатааһын чолбонун курдук
5420 Хатааннаахтык чаҕылыйда,
Харыанчахалаах баттахтара
Халарык ытыйбыт
Хара ыарҕатын курдук
Төбөлөрүн оройугар
Төттөрү-таары өрүтэ күүрдэ,
Кыраан онолуйан бардылар.
Тоҕус күннээх-түүн
Томтойо-торолуйа
Туолан кэлиэр диэри
5430 Чохчойон олорон кыраатылар да,
Кэлбит дьонноро
Туох да буолбатылар,
Суорба таас курдук
Дьуларыһан турдулар:
— Аллараа дойду
Аатгаах адьырҕаларын
Ааммытын аһан эрдэхтэринэ,
Атахтарын адаарытар этибит,
Үөһээ дойду
- 131 -