Page 138 - Алаатыыр Ала Туйгун. 2-с үйэтэ

Уордайан - кыыһыран,
Уоҕуран-сатаран,
Утарыта түсүһэн,
Охсуһан киирэн бардылар.
5530 Иҥсэлээх мэтэ хара
Бииһин ууһун
Иҥнэри тэбистилэр.
Оботтоох чупчурҕан
Хара удьуордарын
От хотуулун курдук
Үлтү үктээтилэр,
Дьэбиннээх сирэйдээх
Дьэрис хара нэһилиэгин
Сирдэрин -дайдыл арын
5540 Сиҥнэри үктээтилэр,
Хатыылаах эттээх
Хамсык хара аймахтарын
Хамыс* чахчатын курдук
Хампы тэбистилэр.
Мэҥиэстэр мэнэгэйдээх
Бэки Чугус уустара
Биир да оппокко,
Мэлис-таһыс буоллулар.
Түҥкэтэх өлүү
5550 Ньүкэрэ хара төрдүн
Түҥ-таҥ ытыйдылар,
Түҥнэри-таҥнары үктээтилэр,
Түлэс-балас түһэрдилэр.
Алдьархайдаах-амырыыннаах
Аллараа дайдыны
Атыйахтаах уу курдук аймаатылар.
Адьарай бөҕө адьырҕалара
Саллан-чаҕыйан
Салаалаах бэс саҕа
5560 Саһар сир булаары,
Дагдаһа сүүрдүлэр.
Көстүбэт бөҕө күтүрдээхтэрэ
Куттанан - ку отан,
Көмнөхтөөх үөт курдук
Көппөйө сүүрдүлэр.
Илиэһэй бөҕө бэртэрэ
Тэскилээн күрэнэн,
Ыйдаҥатааҕы тиит

134 -