Page 140 - Алаатыыр Ала Туйгун. 2-с үйэтэ

Көстүбэт бөҕө күтүрдээҕэ
Күрэннэҕэ дуу,
Адьарай бөҕө адьырҕата
Албаһырдаҕа дуу?
Им-ньим иһиллээбит курдук
Уу чуумпу тохтоон турдаҕына:
— Өһөгөйдөөх өргөстөөх,
Сүлүһүннээх төбөлөөх,
5620 Төттөрү сэлгиэхтээх
Тимир үөрбэ буолан,
Төбөтүн оройугар
Дьөлө иҥэн киирэммин,
Иирэр өлүү төрдүгэр тэбэммин,
Орто дойдуга таһааран,
Айыы хаан аймахтарын,
Күн өркөн уустарын
Үөннээх түптүйэ курдук
Үлтү үктэтэн,
5630 Ириэнэх дьэдьиэн курдук
Илдьи тэбистэрэн,
Аһыы-сии оонньуом этэ, — диэн,
Төбөтүн оройугар түһүө
Уһуктаах сүөм холобурдаах
Хаалтын кэннэ
Этэ тардан,
Куйахата күүрэн,
Алаас уҥуор холобурдаах
Аһара көтөн биэртэ,
5640 Аллараа нэс үөдэн түгэҕэр
Тимир дьуос буолан,
Дьылыс гынан хаалла.
Онтон эмиэ
Утаакы буолбата
Аллараа нэс түөттүгэн* диэкитгэн
Иннинэн-кэннинэн
Өһөгөйдөөх-өргөстөөх
Тимир сойуодуку
Үөрбэ буолан,
5650 Уллуҥаҕын оройунан
Тобулу сүүрэн тахсаммын,
Сүллүүлээх сүрэҕин хаанын
Супту уулуом этэ, — диэн,
Өрө өргөһүйэн тахсан,
- 136 -