Page 141 - Алаатыыр Ала Туйгун. 2-с үйэтэ

Уллуҥаҕын оройугар түһүөҕэ
Уһуктаах сүөм
Хаалтын кэннэ
Этэ тардан,
Иэнэ кэдэрийэн,
5660 Соһуйан-уолуйан,
Туона устата холобурдаах
Туора ойон биэрбитигэр
Үөһээ дайдыга
Өргөстөөх өһөх тууспан уот буолан,
Өрө уһууран эрдэҕинэ,
Үрдүк былыт ойуутун
Өрө ыстанан тахсан,
Икки ытыһынан
Хаайа тутан,
5670 Харбаан ыларын кытта,
Абааһы уола
Бэйэтэ-бэйэтинэн буолаат,
Охсуспуттарын курдук
Охсуспутунан бардылар.
Кырбаһыы кытаанаҕын кырбастылар,
Тэбиэлэһии чиҥин тэбиэлэстилэр.
Икки харахтара
Чипчилийбэт гына
Килэччи көрдүлэр,
5680 Икки кулгаахтара
Чуҥкунуу бүттэ,
Үктэммит сүһүөхтэрэ
Токуйан-бокуйан
Тобуктаан көрбөтө.
Тирэммит уллуҥахтара
Тэмтэрийэн халтарыйбата.
Туппут илиилэрэ
Төлөрүйэн мүччүрүйбэтэ,
Охсубут сутуруктара
5690 Улугуран көрбөтө.
Ордук уоҕуран,
Илбиһирэн туран,
Эбии сытайан
Эттэспиттэрин курдук эттэһэ,
Кырбаспыттарын курдук
Кырбаһа турдулар.
Сылайбат сындааһыннаах,
- 137 -