Page 143 - Алаатыыр Ала Туйгун. 2-с үйэтэ

Анарааҥҥы тардыытыгар,
Адьарай сирин
Мэҥэлгэннээх бэлэһигэр,
Бэтиэхтиир тардыытын
Бэтэрээҥҥи ыпсыытыгар,
Үөһээ бөҕөлөр
Үмүөрүһэн түһэр,
Аллараа бөҕөлөр
Адаарыһан тахсаннар,
5750 Орто дойдулар
Тоҕуоруһан мустар,
Чураадыйан ахталыйар,
Суолларын төрдүгэр
Сириэдийэн уһаммыт
Кыстыгын тыаһа
Кыырай халлааҥҥа кыырайбыт,
Балтатын тыаһа
Байҕал уҥуор чаҥкынаабыт,
Күөрдүн тыаһа
5760 Күдэн дойдуга күүгүнээбит,
Оһоҕун кыыма
Одун халлааҥҥа уһуутаабыт,
Суостаах кыһалаах,
Дохсун тутуулаах
Суодалы хаан ууска
Чугаһаан кэллилэр.
Кылыс батыйа курдук
Сындыыс уот
Быһыта сүүрбүт,
5770 Сулугур оноҕос курдук
Тууспан у от
Тобулута сүүрэ турар
Дойдута буолла.
Кутаа уотунан
Куугуначчы уһуура турар хомурахтаах,
Сириэһин уотунан
Сирилэччи тибэ турар
Дьигискэннээх ньиргиэрдээх
Тимир килиэ дьиэ таһыгар
5780 Тиийэн кэлбиттэрэ.
Үөһээ өртө
Өксөкү кыыл
Көхсүн өҥүн курдук

139 -