Page 163 - Алаатыыр Ала Туйгун. 2-с үйэтэ

Биллэрэ тардыҥ, — диэтилэр.
Абааһы уолаттара.
Ону истэн баран,
6520 Алаатыыр Ала Туйгун:
— Маҕайкаан аллаах,
Айаххыт абатын,
Тумсугут тууһун,
Даамы ылаары,
Даллаһан турдаххытына,
Чапкыт чабычах саҕа эбит,
Аккааһы этитээри
Ардьаһа сытыйан турдаххыт
Абатыан көрбөккүөт, — диэн баран,
6530 Абааһы уолаттарын
Дьэс хаалдьыктарыттан
Харбаталаан ылан,
Үһүөннэрин үс төгүл
Үрдүк суорба таас хайаҕа
Үрүҥ буор быылын курдук
Үлтүрүтэ дэйбиирдээн кэбистэ.
Ол гынан баран
Дьонун диэки эргиллэн көрбүтэ —
Охсуһуу гиэнэ улаханын
6540 Охсуспут көрүҥнээхтэр,
Кырбаһыы гиэнэ кытаанаҕын
Кырбаспыт быһыылаахтар,
Хончоччу холлубутгар,
Куодьаччы дьүдьэйбиттэр,
Ырдьаччы ырбыттар,
Саманнык диэн
Саҥа саҥара турда:
— Дьиэ буо,
Дьиэ буо!
6550 Бэки сиэр аттаах
Бэрт оҕо
Бэриэт Бэргэн,
Күүстээх уохтаах
Күн Көлүөнэй бухатыыр
Күндү доҕотторуом,
Т ыллаах-өстөөх
Чычыгыр-чуоҕур аттаах
Нарын Ньургустай,
Таптыыр-сөбүлүүр
157 -