Page 158 - Алаатыыр Ала Туйгун. 2-с үйэтэ

Илбистээх иирик сирдэрэ
Илгистэ-холгуста турар эбит.
Ыйа-күнэ биллибэт
Ыыс-бьщаанынан тыыммыт,
Күнэ-ыйа көстүбэт
Күдэрик буурҕанан
Оргуйа турар.
Күлүк боруҥуй дойду
Күлүгүрэн көһүннэ.
6310 Күдэрик буурҕа атаҕар
Үөр тайах кыыллар
Үргэн үөмэлэһэ
Сылдьаллар дуу диэбитэ,
Үҥүү-батас төбөтө
Өрүтэ охсуһа
Турар эбит,
Кыыл таба үөрэ
Кыйдана сылдьаллар дуу диэбитэ,
Кылыс батыйа төбөлөрө
6320 Кылабаччыһа кырбаһаллар эбит.
Ол ыыс былаҕай
Буурҕа ортотуттан
Саманнык диэн
Ырыа дорҕооно иһилиннэ:
— Дьиэ буо, дьиэ буо!
Бу көстүбэт бөҕө күтүрдээхтэрин
Кыайар кыах быһынна,
Көлбөрүтэр күүс эһиннэ.
Күн айыы аймахтарыттан
6330 Көмүскүүр күүстээх
Киммит кэлиэ баарай,
Биһиги диэки санаалаах
Айыы хаан аймахтарын
Араҥаччылыырга анаммыт,
Күн өркөн уустарын
Көмүскүүргэ үөскээбит,
Дьөһөгөйтөн төлкөлөммүт,
Аҕыс айыы төрдүттэн
Алҕанан айыллыбыт
6340 Араҕас сиэр аттаах
Алаатыыр Ала Туйгун
Биһиги модун күүстээх бухатыырбыт
Уобар-соллоҥ иҥсэлээх,
152 -