Page 164 - Алаатыыр Ала Туйгун. 2-с үйэтэ
P. 164
6560 Далбарайым оҕотоо,
Туе иннигитигэр
Дорообото тутуҥ!
Эһиги диэтэх дьон
Бу дойдуга
Көстүбэт бөҕөлөрү кытта
Төһөттөн күүстээх охсуһууну
Көрсүбүккүт буолла,
Адьарай бөҕөлөрүн кытта
Хаһааҥҥыттан хатааннаах харсыһыыны
6570 Харсыбыккыт эбитэй.
Адьарай бөҕөлөр
Адьырҕаларын сарбыйдыгыт,
Көстүбэт бөҕө
Күтүрдээҕэ бүдүрүйдэ.
Аны биһиги
Ү өһэ дайды үлүгэрдээх,
Үс биис ууһуттан өһөгөйдөөх,
Өлүү Нүһэр Хара бухатыырдара
Өлөрөөрү-алдьатаары,
6580 Үтүрүйэн түстэхтэринэ,
Үөннээх түптүйэ курдук
Үлтү сынньыахпыт.
Аллараа дайды
Алдьархайдаах садыамнаах
Аҕыс биис ууһуттан
Абааһы бөҕө адьырҕалара
Аһаары-сиэри
Адалыйан таҕыстахтарьша,
Алдьаммыт тымтай курдук
6590 Атахпытынан хампы тэпсиэхпит.
Удурҕаччы хара удьуордарыттан
Уот Кутаалыҥса аймахтарыттан
Оботтоох чупчурҕаннаахтара
Охсуһа-туруулаһа кэллэхтэринэ,
Кур-түү курдук
Курдурҕаччы кэһиэхпит.
Өрөгөйбүт үрдүө,
Саргыбыт салаллыа.
Күүстээх-уохтаах
6600 Күн Көлүөнэй бухатыыр
Балтыгыт Күндү Күөбэлдьини
Бэки сиэр аттаах
- 158 -
