Page 161 - Алаатыыр Ала Туйгун. 2-с үйэтэ

Истэрин түгэҕиттэн
Иҥсэлээхтик бэтиэхтэстилэр,
Саманнык диэн
Саҥа саҥаран
Сатарыһа турдулар:
— Аарт-татай,
Аар-дьаалы, оҕолоор!
Бу туох дойду
Дьулаҕайын туура тэбинэн,
6440 Дохсурҕаан кэлбит
Чочулҕан уолгунуй,
Кэлбит наадаҕын кэпсиэ,
Кимҥиний-ханныккыный?
Кэриэс тылгын эт.
Биһиги диэтэх дьон
Албан ааппытын,
Дьоһун сурахпытын
Истээри гынар буоллаххына,
Биирдэспит айаҕымсах
6450 Часкыыр хара аймахтарыгар
Аҥаардаһынан аатыран үөскээбит,
Аттыгар түбэспити мэлитэр,
Аһайбытын эһэр,
Астыммат-тогшот
Алын Даадар Хара,
Бухатыыр диэн буолар.
Иккиспит иҥсэ мэнэгэй
Ийэлэрин ууһугар
Иитиллэн үөскээбит
6460 Иннигэр кэлбити мэҥиэстэр,
Икки атахтааҕы,
Иннинэн сирэйдээҕи
Эһэргэ санаалаах,
Илбистээх-мэнэгэйдээх
Иҥиэттэ Хара
Бухатыыр диэн буолар.
Үһүспүт өһөгөйдөөх үлүгэрдээх
Үс биис ууһугар
Көҥүлүнэн-талбытынан
6470 Күөдүлгэхтээн үөскээбит,
Өлөрөртөн атыны өйдүөбэт
Өрүүтүн топпот
Өлүк Бэкийэ Хара
155 -