Page 160 - Алаатыыр Ала Туйгун. 2-с үйэтэ

Күп гынар
Күүс быһынна,
6390 Сэп гынар
Сэниэ эһиннэ, — диэн
Дьахтар киһи
Саҥата иһилиннэ.
Ону истээт,
Алаатыыр Ала Туйгун
Турар туруук хайа төбөтүттэн
Ыстанан кэбистэ.
Охсуһуу буурҕатын ортотугар
Суорба хара тааһы
6400 Суура муус курдук
Тобугун хараҕар диэри
Тоҕу түһэн,
Дохсун этиҥ
Дьааһыйарын курдук
Ньир гына
Өрө саалла түстэ.
Күдэнниин көттө,
Ыыспалыын ыраастанна,
Дьайдыын тарҕанна,
6410 Соболоҥнуун сууйулунна.
Охсуһа турар
Айыылаах абааһы
Алта бухатыырдара соһуйан,
Туора-маары ойуолаан,
Алта аҥы бараннар,
Адаарыс гына
Тура түстүлэр.
Үс абааһы уолаттара
Үрдүгэр түһүөххэ айылаах
6420 Тырыта-хайыта тыытан,
Сиэххэ дылы тыҥырахтарын
Сытыы баҕыыр курдук
Ардьатыахтарынан ардьатан,
Айахтарын сарымтыбьҥ ааннаах
Сат тымтай курдук
Дьаллаччы аттылар
Тылларын тыыннаах моҕой курдук
Туора-маары салбаннылар,
Харахтарын хайырбыт ойбон курдук
6430 Хатааннаахтык көрдүлэр,
- 154 -