Page 165 - Алаатыыр Ала Туйгун. 2-с үйэтэ

Бэрт оҕо
Бэриэт Бэргэни кытта
Киһи буолар
Кэскиллэрин тэрий.
Толомон Суорун оҕонньорго
Тоҥкуруун Баай эмээхсиҥҥэ тиийэҥҥин,
Сырдык сыбаайбата
6610 Маҕан малааһынна оҥорутг.
Ытык ыһыахта ыһыҥ,
Түөлбэ түһүлгэтэ тэрийиҥ,
Араҕас чэчирдэ анньыҥ,
Тыллаах-өстөөх
Чычыгыр-чуоҕур аттаах
Нарын Ньургустай
Таптыыр доҕорум,
Эн биһиги
Эппит тылбыт тилиннэ,
6620 Сүбэлэспит сүбэбит табылынна.
Аҕыс иилээх-саҕалаах
Аан ийэ дайдыбытыгар тиийэммит,
Алаһа дьиэни араҥаччылаан,
Аал уоту оттон
Олорор кэммит
Уолдьаста бадахтаах.
Онон эбит буоллаҕына,
Эн миигин кытта
Барсарыҥ сөп буолуо, — диэтэ.
6630 Ону истэн баран,
Тыллаах-өстөөх
Чычыгыр-чуоҕур аттаах
Нарын Ньургустай
Саҥа саҥара турда:
— Дьиэ буо,
Дьиэ буо!
Алаатыыр Ала Туйгун,
Эн диэтэх киһи
Эппит тылгын,
6640 Сөбө суох сүөргү тылы
Эттиҥ диэн,
Сүөргүлүү истибэтим.
Ол гынан баран
Сириттэн-дайдытытган,
Дьиэтиттэн-уотуттан,
- 159 -