Page 159 - Алаатыыр Ала Туйгун. 2-с үйэтэ

Оһол-төрүөт олохтоох,
Оботтоох-чуттчурҕаннаах
Отут удурҕаччы хара удьуордарын
Торолуйар тойоно буолбут,
Ускунньахтаах Уот Кутаалыҥса
Уоҕан уола
6350 Өксөкүлээх Биэхэстэй
Үөлэҥ Харбыалыкы
Хара аттаах өлөр өлүү
Түбүлээн Хара бухатыыры кытта
Охсуһа барбыта
Тоҕус төгүрүк сыла
Туолан кэллэ.
Ол тухары
Охсуһа сылдьар
6360 Бэйэккэтэ эбитэ дуу?
Абааһы бухатыыра кыайдаҕына,
Айыы аймахтарын
Аҥардастыы баһылаан,
Аһылык оҥостон,
Адьас баратыахтара,
Икки атахтааҕы эһиэхтэрэ,
Имириир тыастааҕы мэлитиэхтэрэ.
Оттон биһиги бухатыырбыт кыайдаҕына,
Күн айыы дьоно
6370 Көҥүл босхо баран,
Күннэрэ тахсан,
Күөрэгэйдэрэ ыллаан,
Күөх сибэккилэрэ тыллан
Күлүө-оонньуо,
Көрүлүө-нарылыа этилэр.
Ону иккиттэн биирин
Хаһан истэн,
Уоскуйуох бэйэбитий.
Күүстээх-уохтаах
6380 Күн Көлүөнэй бухатыыр
Көмөлөһүөххэ айылаах
Күндү доҕордооххунуй,
Абырыахха айылаах
Аналлаах атастааххыный,
Ыраах да буоллар
Ыҥыран көрүөҥдуу,
Нойон киһиэ,
- 153 -