Page 169 - Алаатыыр Ала Туйгун. 2-с үйэтэ

Кийиит оҕобун диэҥҥин
6690 Килбигийээри гынаҕын дуу?
Аны эн биһиги бэйэбит
Аҕа-ийэ буолар
Сааспытын туоллубут,
Санаабытын ситтибит.
Аан ийэ
Дайдыбытыгар тиийэммит,
Аймах-билэ дьоммутун
Арыаллатан тураммыт,
Аан чэчири анньан
6700 Түөлбэ түһүлгэни тэрийэн,
Сырдык сыбаайбаны,
Маҕан малааһыны
Оҥоро охсуох.
А р, ийэ диэн,
Айаны тардыма,
Симэҕим-таҥаһым диэҥҥин,
Сырыыны бытаардыма,
Ханыллыам-мөҕүллүөм диэҥҥин,
Хонугу уһатыма, — диэтэ.
6710 Инньэ диирин кытта
Тыллаах-өстөөх
Чычыгыр-чуоҕур аттаах
Нарын Ньургустай
Хаана тэтэрдэ,
Харар мичээрдэ.
Үөрэн-көтөн
Уку-суку дайбаан
Утары хааман кэллэ.
Алаатыыр Ала Туйгуннуун
6720 Уу-хоннохторун аннытган
Үстүү куба кыыл саҕа
Үрүҥ күүгэн
Өрүтэ үллэн тахсыар диэри
Ыбылыта куустуһан тураннар,
Үөһээ-аллараа уостарыттан
Үстүү хамыйах холобурдаах
Субай хааны
Суптурута уураһан ыллылар.
Айанныырга тэриллэн,
6730 Күүстээх уохтаах
Күн Көлүөнэй бухатыыр

- 161 -