Page 170 - Алаатыыр Ала Туйгун. 2-с үйэтэ
P. 170
Күөкэ дьаҕыл атын
Күдэн дайды көхсүттэн
Хоруутаан ылла.
Бэрт киһи
Бэриэт Бэргэн
Бэки сиэр атын
Хоруутуурун кытта
Мэгилгэннээх байҕал
6740 Улаҕатын диэкиттэн
Бэкирийэн тиийэн кэллэ.
Күн Көлүөнэй бухатыыр
Күндү Күөҕэлдьин диэн балтын
Көстүбэт бөҕөлөртөн
Көмүскээн ылбыта,
Күөрэгэй чыычаах буолан,
Күкүр таас баһыгар
Саһа сыппыт эбит.
Ону таһааран
6750 Бэрт киһи
Бэриэт Бэргэн
Атын аҥар кулгааҕын иһигэр
Уган кэбистэ.
Алаатыыр Ала Туйгун
Араҕас сиэр атын
Ыҥыран ылла.
Нарын Ньургустай
Тыллаах-өстөөх
Чычыгыр-чуоҕур атын
6760 Ыҥыран ылла.
Түөрт бухатыыр
Төрдүөн тэбис-тэҥҥэ
Аттарын үрдүгэр
Өксөкү кыыл курдук
Дап гына олоро түстүлэр.
Төрдүөн Куо-дьэллик
Кулан урбай кымньыыларын
Үстүү төгүл эршчитэн
Халлаан сатарыыр,
6770 Сир ньиргийэр гына
Өрүтэ далбаатаһан,
Бырастыылаһан бараннар,
Ат туйаҕын тыаһа
Түөрт сүллээх этиҥ курдук
162
-
