Page 201 - Алаатыыр Ала Туйгун. 2-с үйэтэ

Үөдэн таһаан
Улуу дойдутун
Үрдүнэн чиэрэстээн,
Дөксө анарааҥы
Түгэх дойду диэки
8070 Түҥкэлийэн түһэн истэ.
Бу истэҕинэ,
Тус иннигэр
Хара сыыр
Суулбутун курдук
Хайа эрэ баҕайы
Үллэйэн көһүннэ.
Чугаһаан кэлбитэ —
Аам-саам тэбиммит,
Адьас-бадьас барбыт
8080 Аҕыыр-баҕыыр атахтардаах,
Элиэ кынатын курдук
Илин-арҕаа быластаабыт
Эбир-дьаҕыл илиилээх,
Иннинэн-кэннинэн сирэйдээх,
Икки хос төбөлөөх,
Эргиччи ис,
Төгүрүччү түөс,
Алдьаммыт оҥкучах
Аанын курдук
8090 Анайбыт айахтаах,
Ардьаллыбыт тиистээх,
Адаа-быдаа тыҥырахтаах,
Аан курудуой* Аҥаа Моҕус
Утуйан үллэйэ сытар эбит.
Онтуката буоллаҕына
Уоран-талаан барбыт
Улахан ороспуонньук
Омуннаах түөкүн
Обот Чуораамчык
8100 У от Субурҕа бухатыыр
Аллараа дайдытган таһааран,
Алаатыыр Ала Туйгун кэллэҕинэ,
Сиэр диэн,
Астымматах-топпотох
Алдьархайдаах Аҥаа моҕуһу
Аартыгар тоһуттарбыта —
Көһүтэ сатаан баран,

- 193 -