Page 205 - Алаатыыр Ала Туйгун. 2-с үйэтэ

Сүллээх этиҥ курдук
Сүүрэн лүһүгүрүү турда.
Торҕон бөрө кыыллар
8240 Чохчоһон олороллорун курдук
Тоҕута тарда турар
Чупчурҕаннаах дулҕалаах
Адьырҕа кыыллар
Адьырыһан олороллорун курдук
Айаҕар түһэрэн ылар
Амырыын дайды буолла.
Сырҕан эһэ кыыллар
Часкыйа олороллорун курдук
Тырыта-хайыта
8250 Тыыта турар
Сытар сыҥнаах тыалардаах,
Эҕирийэн ылар
Иҥсэлээх кэҥистэрдээх,
Ыйыста турар
Ынырык сыырдардаах,
Түгэҕэ биллибэт
Дьөлөркөй үөдэннээх,
Сиксигэ биллибэт
Дириҥ эмпэрэлээх,
8260 Тэмтэриттэр эрэ
Чиэски сиргэ
Тиэрэ быраҕа турар тэхтирдэрдээх,
Оҕустар эрэ
Ойҕол баһыгар
Умсары быраҕа турар
Оһоллоох очурдардаах,
Хайа эмэ дойдуга
Халтарыччы охсо турар
Халлараан халысхалардаах,
8270 Кый дайдыга
Кыйдыы турар
Кыдьылгы кыйыалардаах,
Икки атахтааҕы,
Иннинэн сирэйдээҕи
Иннин хоту ыыппат
Илбистээх-силлиэлээх
Сир буолла.
Уу харахтаах,
Утары ньуурдаах
- 197 -