Page 197 - Алаатыыр Ала Туйгун. 2-с үйэтэ

Өйдөппөккө тутар үгэспит,
Хорҕото тутар кубулҕаппыт,
Аһара тутар адьынаппыт,
Аанай абабыт,
Туонай сүптэбит!
Эн тат,
Мин тат, — дэсиһэн,
7900 Эһэлии часкыйа,
Бөрөлүү улуйа,
Суордуу хаһыытаһа турар
Мантан кытаахтаабыт,
Итинтэн ытырбыт,
Онтон тоҥсуйбут
Тиистээх-тыҥырахтаах,
Тимир кыналҕан
Мастаах-оттоох,
Дойду буолла.
7910 Ол да буоллар
Атын түүтүттэн
Соҕотох түү
Кылаанын кыларыппакка,
Бэйэтин куйаҕьгпан
Туллук кыыл
Тумсун саҕа тоороммото,
Игии аалыытын саҕа элэйбэтэ.
Бу дойду
Тимир кыиалҕан
7920 Отун-маһын
Кур кулуһун курдук
Турдурҕаччы үктэтэн,
Хаппыт хамыс
Чахчатын курдук
Хардырҕаччы тэбистэрэн,
Иэн иҥиирин курдук
Ибили сыыйан,
Эрчимирэн туран,
Эбии күүһүрэн,
7930 Айаннатан-астаран,
Сиэллэрэн дьигиһитэн,
Уурдаран оҕустаран,
Ол дойдуну
Уҥуордаан-чиэрэстээн,
Уһуутаан түһэн баран истэ.
- 189 -