Page 202 - Алаатыыр Ала Туйгун. 2-с үйэтэ

Күүһэ быстан,
Күп гына түһэн,
8110 Кур күрдьүк курдук
Көппөйө сытар эбит.
Утуйан таныыта
Тар омуһаҕын курдук
Таҥнары тартаҥнаабыт,
Иһирдьэ эҕирийдэҕинэ,
Бу дойду
Үөнэ-көйүүрэ
Сахсыррта-тигээйитэ
Таныытын үүтүгэр
8120 Саах күрдьүк саҕа
Тапталла түһэллэр,
Үөһэ тыыннаҕына
Ү өннүүн-көйүүрдүүн
Өрө өрүкүс гынар
Симэхтиин-сиппэхтиин
Сыыстыын-сымныын
Силлиэ-холорук курдук
Ытылла турар эбит.
Алаатыыр Ала Туйгун
8130 Сэттэ уон болгуо чээрэтинэн,
Аҕыс уон болгуо арыытынан,
Тоҕус уон болгуо чулуутунан
Дьохсолу хаан уустара
Чочуйан-чочуйан,
Тутан сабаҕалаан биэртэрин,
Дапсылы хаан уустара
Чапчыйан-чапчыйан
Тэнитэн биэртэрин,
Оһуордаан уус
8140 Ойуотаан-ойуотаан
Оҥорон биэртин,
Укуу-чукуу уһуктаабытын,
Кыкыы-чыкыы кылааннаабытын,
Уус хаан төрдө
Сирэли-боролу
Чупчурҕан-чапчырҕан
Улуу чукустаан
Хатан чакырыкы
Күрбэ хара
8150 Дуодар тойон
- 194 -