Page 210 - Алаатыыр Ала Туйгун. 2-с үйэтэ

Көтөҕөн ыла-ыла,
Үлтү быраҕа
Турар сиригэр
Тиийэн кэллилэр.
Ону көрөн баран,
Урукку аргыс абааһыта
Охсуулаах Уоһуйа Хара бухатыыр:
— Аны киһини
8460 Үлтү быраҕыа,
Кэбис, бэйэҥ бастаа, — диэн баран,
Куттанан, киһитин кэннигэр сөрүөһүннэ.
Тоһуйан турар
Абааһы уола
Тумул хайа быһаҕаһын
Көтөҕөн мадьырыйбытынан
Утары сүүрэн кэлэн,
Үрдүлэригэр саба бырахта.
Алаатыыр Ала Туйгун
8470 Харытын таһынан
Садьыйан кэбиһээт,
Сэттэ үөстээх
Тимир бурут
Куо-дьэллик
Кулан урбай кымньыытынан:
— Хантан кэллиҥ
Тугу гына тураҕын
Этэ оҕус, — дии-дии
Таһыйбытынан барда.
8480 Абааһы уола
Өрүтэ ыстаҥалаата,
Араастаан татынньахтаата:
— Тойонум Уот Субурҕа бухатыыр
Аллараа дойдуну
Атаҕынан аамайдаан,
Үөһээ дойдуну
Үлтү түүрэйдээн,
Орто дойдуну
Уллуҥаҕынан кэһэн,
8490 Миэхэ тиийэр көтөҕүүлээх
Күүстээх бухатыыры
Букатын булбатаҕа үһү.
Онон миигин
Алаатыыр Ала Туйгун
- 202 -