Page 207 - Алаатыыр Ала Туйгун. 2-с үйэтэ

Дуолан хара
Атыыр оҕус саҕа,
Суорба хара тааһы
Турута тардан ыла-ыла,
Үрүҥ быыл курдук
Үлтү охсо,
Суолун айаҕар
8330 Тоһуйан турар эбит.
Кинини көрдө да,
Үөрэн алларастыы түстэ.
Үлтү охсон кэбиһээри,
Утары сүүрэн кэлэн
Охсон кулаабытынан барда.
Онуоха Алаатыыр Ала Туйгун
Симэһин хаан утахтаах,
Сириэһин уот тыыннаах,
Сэттэ үөстээх,
8340 Тимир бурут
Күн дьэллик
Кулан урбай кымньыытын
Сулбу тардан ылла да,
Абааһы уолун
Таһыйан урбаһыннарда.
Абааһы уола
Өрүтэ татынньахтыы-татынньахтыы
Часкыйа сырытга:
— Абытайбын, абытайбын!
8350 Таһыйыма тохтоо, — диэтэҕэ.
— Хантан кэлэн
Туту гына тураҕын
Этэ тардыый, — дни-дни,
Таһыйан урбаһыннарда.
— Абытайбыан, абытайбыан!
Өлөрүмэ, өһөрүмэ
Тохтоо-тохтоо
Тойонум Топпот Чуораамчык
Уот Субурҕа бухатыыр
8360 Үөһээдайдыны
Үҥкүр күөс курдук
Үлтү түүрэйдээн,
Аллараа дайдыны
Алгый чаан курдук
Аамайдаан туран,

- 199 -