Page 212 - Алаатыыр Ала Туйгун. 2-с үйэтэ

Суодаҕалдьыһа турдулар.
Хара кулун киинин курдук
Хатыллаҕас-эриллэҕэс
8540 Хапчаҕай хара
Аартыктар устун
Харбыалаһан истилэр.
Итинтэн салгыы
Эриэн чиэрбэ курдук
Эриллэҕэс-буруллаҕас
Аартык устун
Илэй-балай харбаһан түһэн,
Иҥнэри-таҥнары
Эккирэтиһэн киирэн,
8550 Бара турдулар.
Ол анараа өртүгэр
Симэхсин эмээхсин
Сиһин тоноҕоһун курдук
Чочумаас-ичимээс
Аартык устун
Тэлиэс-былаас тэбинэн,
Тэнтик-мунтук үктэнэн,
Тилир-талыр,
Түҥкэл-таҥхал
8560 Түһэн бардылар.
Ол анарааҥҥы тардыытыгар
Куһаҕан оҕонньор
Хоҥкучаҕын дьаппатын курдук
Кулаҕай-иэлэҕэй аартык
Кутуллан-симиллэн
Түһэн барда.
Ол аартык
Хараҥарар хапчааныгар,
Мэҥиэстэр бэлэһигэр
8570 Бадар биллибэт
Барыйан көстөр,
Көрөртөн сүөргү
Күлүгүрэн турар
Көгдөллүбүт көрүҥнээх,
Дьаабыта биллибэт
Дьаллайбыт айахтаах,
Биирдэ мэҥиэстэр
Бэтиэхтиир бэлэстээх,
Бүтүннүү ыйыстар,
- 204 -