Page 236 - Алаатыыр Ала Туйгун. 2-с үйэтэ

Айаҕын атан,
Аһаары-сиэри
9570 Алларастыы турар эбит.
Кинини көрөн баран,
Тииһин ардьатта,
Тыныраҕын сарбатта,
Түҥнэри-таҥнары эргийдэ,
Тылын таһаарда,
Сымыһаҕын дьэллэттэ,
Сидьиҥ үөнүнэн тибиирбэхтээтэ,
Хара курдьаҕанан хаһыырда,
Соллоҥ чиэрбэнэн уһуурда,
9580 Саҥа таһааран
Часкыйбахтыы турда:
— Алаатыгар,
Уһулаатыгар!
Иһилигим-таһылыгым,
Иэхэйикпин-чуохайыкпын!
Алдьархайдаах аллараа дайды
Аҕа баһылыга
Арбаҕастаах тойоно буолбут
Арсыын тиистээх,
9590 Арыы ыарҕа батгахтаах,
Астымматах-топпотох
Арсан Дуолай оҕонньор
Аччыгый кыыһа
Хамсык үөн
Хара куудьаҕа тыыннаах,
Хамсыыры-харамайы,
Хара күлүктээҕи
Хамыйан туран харанар
Хаскыйдаан Хара диэн буолабын.
9600 Икки атахтаах бииһин
Ийэ уустаан
Ирдээн туран,
Эһэргэ санаалаах
Илбис иирикий
Ап Салбаныкы удаҕан диэн
Аҕастаах этим.
Аҕыс ааттаах бухатыыры
Сиэн баран,
Адьас астыммакка
9610 Арыычча кэлэр

- 228 -