Page 237 - Алаатыыр Ала Туйгун. 2-с үйэтэ

Аҥаа Моҕус
Айаҕымсах аҕастаахпын.
Тоҕус дуолан бухатыыры
Соҕотоҕун сиэн баран,
Долуой топпокко,
Сутаан кэлэр
Өһөгөйдөөх улуу Луо байҕал
Иччитэ буолбут
Уора тутар уомардаах
9620 Обот чупчурҕан
Уот Субурҕа бухатыыр диэн
Оһоллоох-сутуллаах
Улусхан убайдаахпын.
Ол убайым обургу дьаалы
Орто туруу
Дьоҕул дойдуттан
Оҕо дьахтар одьунааһын
Уоран-талаан
Ойох ылан кэлбитэ.
9630 Ол кимий диэтэххинэ,
Толомон Суорун оҕонньор
Тоҥкуруун Баай эмээхсин
Былыттаах халлааҥҥа таһаарбатах,
Өксүөннээх күҥҥэ
Өҥөйбөккө үөскээбит
Аҕыс былас суһуохтаах
Айыы Ньулурдаан Куо диэн
Тапталлаах оҕолорун
Таба харбаатым,
9640 Онон буоллаҕына
Айыы хаан аймахтарытган
Аһыйан-сайыһан
Ааттаах бухатыырдара
Аартыкпытын арыйан
Айаннаан кэллэхтэринэ,
Аара көрсөн
Аҕалбакка мэҥиэстээр диэн,
Аартыкка тоһуттарбыта.
Аҕыс айыы төрд үттэн
9650 Анаан айыллыбыт
Аллараа дайдыга
Аатганар аатыҥ
Хахай кыыл оҕото
229
-