Page 235 - Алаатыыр Ала Туйгун. 2-с үйэтэ

Аккаастаан кэбиһэн,
Ардьааҕын таһааран,
Анхаччы* бырахпытын курдук
Айаҕа ардьайан көһүннэ.
Алдьаммыт сүүр
9530 Сэриитин курдук
Адал-быдал тииһэ
Адаарыйан көһүннэ.
Били баҕайы
Бэс кытах аанын саҕа
Бэлэһин үүтэ
Мэҥилийэн көһүннэ.
Токуйаан-бокуйаан оҕонньор
Чоҥколухаан тыымпытыгар
Тоҕус сылы быһа
9540 Дьорохойго-борохойго
Туулуу сатаан баран,
Чуурдаан кэбиһэн,
Туутун тулумун таһааран,
Чолоччу бырахпытын курдук
Оботтоох чупчурҕан хара уоһа
Уун-утары
Орбойон көһүннэ.
Икки сытыйбыт
Эбирдээх аҥырдары
9550 Сыһыарыта ыйаабыт курдук
Эмиир элээмэтэ
Тан нары салыбыраан көһүннэ.
Сири иһит түгэҕин
Сиритэ сыспыт курдук
Сирэй элээмэтэ
Сириттэн көһүннэ.
Дьөлөрүйбүт түҥүр
Түгэҕин курдук
Сүүһүн туома
9560 Түүнүгүрэн көһүннэ.
Бадаардаах* үөттэр*
Быкьтрыччы хаппыттарын курдук
Баттаҕа адаарыйбытьшан
Алдьархайдаах аллараа дайды
Амырыыннаах үлүгэр
Абааһытын кыыһа
Аартыгар тоһуйан,
- 227 -