Page 240 - Алаатыыр Ала Туйгун. 2-с үйэтэ

9740 Холоонноох доҕор буолан,
Хол-буут курдук
Холбоһон олорорбут буоллар,
Үрдүк өһүөлэрэ буолан,
Үөһээ-аллараа дайдыларга
Өксөкү кыыл курдук
Үөгүлүө этибит.
Улуу дойдулар
Торолуйар-аатырар
Тойонноро-хотуннара буолан,
9750 Чуораадыйан сураҕырыа этибит.
Сөбүлүүр сөбүлээбэт тылгын
Түргэнник биллэрэ оҕус,
Итии тапталлаах
Истиҥ тылгын
Истиэхпин баҕардым,
Этэ тардыый, — диэтэ.
Инньэ диирин кытта
Абааһы кыыһа
Айаҕын атан
9760 Алларастыы түстэ.
Сөбүлээбит быһыыта
Сөтөрүс гынна,
Таптаабыт быһыыта
Сатарыс гынна.
Сытыган үөн сыыҥа субуруйда,
Сараһын-чалахай сыраанын
Салбанан кэбистэ,
Сыллаһыах курдук
Сынтаарыс гынна,
9770 Уураһыах курдук
Олоорус гынна,
Уоһун орбоппутунан
Утары сүүрэн кэллэ.
Харыс бадахтаах
Харыс гынна,
Тутум холобурдаах
Чугурус гынна,
Чиэппэр холобурдаах
Тэйиэх гынна,
9780 Илии кэриҥнээх
Иҥиэт гынна,
Түөс аҥаара

- 232 -