Page 231 - Алаатыыр Ала Туйгун. 2-с үйэтэ

Куйбараҥнаан-куйбараниаан,
Түүрүллэн-түүрүллэн баран,
Ыстанан кэбистэ.
Таллан таас берөлөр
Быһа аһарбакка
Быһа хабан
Ыйыстан кэбиһэн баран,
9360 Иккиһин хабыахтарын икки ардыгар
Алаатыыр Ала Туйгун
Ама тахсыбат бэйэлээх буолуо дуо?
Сулумах оноҕос курдук
Сулугур гынан хаалла.
Алдьархайдаах-садыамнаах
Аллараа дайды
Аллаҥныыр-ньириҥниир
Амырыыннаах аартыктарын
Аһара түһэн
9370 Айаннаан барда.
Өһөгөйдөөх өлүү дойдутун
Үөлэс үүтүн курдук
Үмүруҥнүүр-бүччүҥнүүр
Мүччүргэннээх бүөрүктэрин
Мүччүрүтэ түһэн,
Оһоллоох-ороскуоттаах
Охсуулаах-тэбиилээх
Уоһай-ааһай аартык устун
Умсары дьулуруйан истэ.
9380 Ындыы бөҕө ыһыллыбыт,
Ыҥыыр бөҕө холбуруйбут,
Ырыы-быстыы элбээбит,
Ырыганнаан сытыы үксээбит,
Сыарҕа таҥнастыбыт,
Сыппа сөлл үбүт,
Мыаннырык быстыбыт,
Олооччу уһуллубут,
Уллуҥ көтүлл үбүт,
Оһол тосхойбут,
9390 Оботтоох-чупчурҕаннаах,
Олуурдаах-моһуурдаах
Онолҕон-сыналҕан
Аартык устун
Аллараагган тахсааччылар
Аттанан-оҕустанан,

- 223 -