Page 233 - Алаатыыр Ала Туйгун. 2-с үйэтэ

Айаннаан барда.
9440 Оботтоох чупчуйа хара удьуордарын
Унуордаан охсулунна,
Иҥсэлээх идэмэрдээх
Мэтэ хара
Бииһин уустарын чиэрэстээтэ,
Айаҕымсах Часкыыр Хара аймахтарын
Анарааҥҥы өртүнэн
Ааһыталаан истэ,
Айан дьонун
Аартыкка тоһуйан,
9450 Айахтарыгар түһэрэн,
Аһаары-сиэри
Ардьаһан турар
Абааһы уолаттарын
Атаҕынан тэбэн,
Ааһыталаан истэ.
Суол дьонун
Суолга тоһуйан,
Тутан сиэри
Суодаһан турар
9460 Суостаах абааһылары
Тоҥ туу курдук
Тоҕута көтөн,
Куотан-ааһан
Куду-хады түһэн,
Кудулутан куоһаран,
Атаралаан сиэлэн,
Айаннаан истэ.
Ол анарааҥҥы өртүгэр
Уолугунан айахтаах,
9470 Обот чупчурҕан уолатгардаах,
Кэтэхтэринэн тиистэрдээх
Кыдьылгы хара
Кьщьык соллоҥ кыргыттардаах,
Аартыкка көрсүбүттэрин
Айахтарыгар түһэрэн,
Аҕыйахта ыстаан,
Амсырдаан ааһар
Арбахтаах уот саҕа абааһыта
Аадайа сүүрбүт,
9480 Адалыһа сырсыбыт,
Амырыын дайды буолла.

225 -