Page 234 - Алаатыыр Ала Туйгун. 2-с үйэтэ

Суолга түбэспити
Тутан ылан,
Туора хабан,
Соҕотохто уобан
Туруору ыйыстар,
Тутан сиир,
Тимир дэриэтинньиктэрэ
Тэриһэ сүүрбүт,
9490 Суодаһа сырсыбыт
Суостаах дойду буолла.
Бу баран истэҕинэ,
Суолун айаҕар
Туохтан да ордук
Дьулаан абааһы
Тоһуйан турар эбит.
Сүүһүн хаба ортотунан
Сүүрдэммэтэх чардаат курдук
Түҥнэри көрбүт харахтаах,
9500 Түөһүн сиигиттэн үүммүт
Былаа хара илиилээх,
Тоноҕоһун уҥуоҕуттан
Салгыы үүнэн түһэн баран,
Тобугуттан ыла
Икки салаа буолбут
Соллоҥ хара
Соҕоох курдук атахтаах,
Сытыы баҕыыр курдук
Чыыбыргыыр тыҥырахтаах,
9510 Инньэ-бүргэс курдук
Илбистээх эттээх,
Үөрбэ долоходуһун курдук
Сүлүһүннээх түүлээх,
Хатан-бүргэс курдук
Хатыылаах тараһалаах,
Соллоҥ үөн курдук
Дьааттаах үөрбэлээх,
Хамсык хара тыллаах,
Аҕыс уоннаах
9520 Акыйаан-букуйаан оҕонньор
Аҥкылыкаан айааныгар
Аҕыс сылы мэлдьи
Алыһарга-хаахынайга
Ардьаахтаан-ардьаахтаан баран,

- 226 -