Page 232 - Алаатыыр Ала Туйгун. 2-с үйэтэ

Адалыһан-көдөлүһэн,
Айанныы сатаан баран,
Адьас быстан,
Аһыырдыын мэлийэн,
9400 Аччыктаан-харгыйан,
Адьас эстэн,
Аартыкка охтон,
Ардьаччы өлөн,
Агдаларын унуоҕа
Ахсаана биллибэт гына
Адаарыспыт, аартыктара буолла.
Үөһээттэн түһээччилэр
Үтэлэрэ мэлийэн,
Үксэнэрдэрэ эстэн,
9410 Күүстэрэ быстан,
Көлөлүүн-бэйэлиин
Көнньүнэн өлөн,
Күөдэл-иэдэл
Көппөйбүт сирдэрэ буолла.
Тахсан иһээччилэр
Талыы бэртэрэ,
Талбан суоруктара
Дабайа сатаан баран,
Тамыччы быстан,
9420 Дагдаһа өлөн,
Дьардьама буолан,
Даккыламмыт аартыктара буолла.
Сүгэһэрдээх бөҕө
Ньөкөөлөһө сатаан баран,
Сүһүөхтэрэ баранан,
Сүһүргэйдэринэн үнэн,
Муҥнанан иһэннэр
Букатын быстан,
Бокуруччу тоҥон
9430 Бокуонньуктаабыт суоллара буолла.
Дьэбиннээх сирэйдээх
Дьэрис хара
Сиэмэх биистэрин
Чиэрэстээн тэлэһийдэ,
Хатыылаах эттээх
Хамсык хара
Артын уустарын
Аһара түстэ,

- 224 -