Page 244 - Алаатыыр Ала Туйгун. 2-с үйэтэ

Көрдөрүөх бокуойа суох
Күллүргэччи ыйыстан,
Кураанахтаан тоһуйар
Көҥөс гиэнэ үтүөтэбин.
Хамыйахтары-кытыйалары
Хайыта ыстаан,
Иһиттэри-хомуостары
Эмтэритэ кэбийэн,
9920 Эһэн кэбиһэр
Иҥсэлээх гиэнэ бэрдэ
Эриэккэстээх дьахтарбын.
Сылдьа кэлбит ыалдьыппын
Тыл да этиппэккэ,
Т ыыннаахтыы ыһыытаппытынан*
Тырыта-хайыта тыытан,
Тылкыйан кэбиһэр
Сытыы кыыспын.
Хоно кэлбит хоноһобун
9930 Хороппутунан туруоран,
Куҥун-буутун сулуйан,
Курдурҕаччы ыстаан,
Куучалаан кэбиһэр
Хорсун оҕобун.
Ааккырыһан-дьаккырыһан иһэр
Айан дьонун
Аартыкка тоһуйан,
Аара көрсөн,
Айахпар түһэрэн,
9940 Аһаан-сиэн кэлэр
Туйгуннаахай кыыспын.
Тохтуу түһэммит
Чуубурҕаччыуураһан,
Сырылаччы сыллаһан,
Сылаас эппитинэн сыстыспахтаан,
Сыта түһүөх эрэ,
Таралыйа таалалаан
Таптаспахтыах эрэ, — диэтэҕэ.
Ол гынан баран
9950 Таҥнары таралыйда,
Тиэрэ тиэрийбэхтээтэ,
Умсары хойуостанна,
Тарайа уҥа-уҥа саһыгыраата,
Көҕөрө уҥа-уҥа күллэрэстээтэ,

- 236 -