Page 245 - Алаатыыр Ала Туйгун. 2-с үйэтэ

Ырдьайа-ырдьайа
Ытырбахтанна,
Сарбайа-сарбайа тарбанна.
Алаатыыр Ала Туйгун
Саманнык диэн
9960 Саҥа саҥара турда:
— Дьиэ буо, дьиэ буо!
Аллараа дайдытган
Аатыран-сураҕыран
Анаан көрсүбүт
Алтай түөстээх
Далбарыгым оҕото,
Күн анныттан
Көрдьүөн булан көрсүбүт
Күндү күөрэгэйим оҕото,
9970 Дьүһүннээҕим үтүөтэ
Сөбүлүү көрбүккүттэн
Сүрэҕим үөрдэ,
Таптаһыах диэбиккиттэн
Санаам көтөҕүлүннэ.
Ол гынан баран
Күнд ү доҕорбуттан
Көрдьөһөөрү гынным
Убайыҥ Обот Чуораамчык
Уот Субурҕа бухатыыр
9980 Ордоотгоон олорор
Үрдүкуоруга
Уһун уораҕайа
Ханна баарый?
Сирдээ эрэ.
Айыы кыыһа
Аҕыс былас суһуохтаах
Айыы Ньулурдаан Куону
Ханна гыммытын
Этэн кулу,
9990 Эрэллээх доҕор буоллаххына, — диэтэ.
Инньэ диирин кытта
Абааһы кыыһа
Алларастыы түстэ:
— Эрэллээх доҕорум
Эппит тылгын
Истибэт бэйэлээх
Буолуом дуо?

- 237 -