Page 243 - Алаатыыр Ала Туйгун. 2-с үйэтэ

Көрө илик этим.
9870 Кырдьыга даҕаны,
Куоппуту тутуох курдук
Хорсун дьүһүннээххин,
Эккирэппиккин ситиэх курдук
Эр бэрдэ эбиккин.
Мин даҕаны
Эн диэтэх киһиэхэ
Иискин иистэммэт
Эриискэ буолуом дуо?
Дьиэни дьиэлиир аххан дьэргэстэйбин,
9880 Хотону хотоннуур аххан курбаанчабын.
Ньиирэйдээбит ньиирэйим
Сэттэ хонук иһигэр
Тиэргэн ортотугар
Чиккэйэ өлөрө.
Торбостообут торбоһум
Тоҕус хонугу ааспакка
Тоһоҕотун төрдүгэр
Тортойоохтуур буолара.
Иистэммит ииһим
9890 Икки хонук иһигэр
Илдьирийэн түһэр
Эриэккэстээх иистээхпин.
Улларбыт этэрбэһим
Уонча хаамыы иһигэр
Уллуҥа көтүллэн,
Олорон хаалар
Уус гиэнэ
Омуннааҕа буолабын.
Тикпит таҥаһым
9900 Тимэхтэниэх икки ардыгар
Тэлитэ баран,
Тэлэккэлэнэн түһэр
Сэгэттэй иистээхпин.
Астаан аҕалбыт аспын
Амсатыах бокуойа суох
Аҕыйахта хабыалаан,
Амсырдаан кэбиһэр
Айаҕымсах гиэнэ
Атамаана буолабын.
9910 Күөстээбит күөспүн
Көһүтэн олорор дьоммор

- 235 -